Sipas një raporti të publikuar dje, presidenti Donald Trump po kërkon nga Departamenti i Shtetit që të shkurtohen fondet e OKB-së me 50%.
Lajmi vjen vetëm dy ditë para se Shtëpia e Bardhë pritet të zbulojë një buxhet, ku thuhet se do të zvogëlojë fondet e Shtëpisë së Bardhë me 37%. Prerja e financimeve amerikane të OKB-së do të jetë pjesë e reformimit të përgjithshëm të fondeve të Departamentit të Shtetit.
SHBA-ja aktualisht i ofron OKB-së rreth 1/5 e buxhetit të saj, ose afërsisht 10 miliardë dollarë në vit. Kjo ndërprerje monetare do të ndikojë në misionet paqeruajtëse, monitorimin bërthamor dhe përpjekjet e vaksinimit në mesin e programeve të tjera.
Megjithatë, revista “Politika e Jashtme” raportoi se Sekretari i Shtetit, Rex Tillerson do të ketë liri në përcaktimin se si do të zbatohet reduktimi.
“Ka zëra për shkurtime të mëdha në buxhetin e Departamentit të Shtetit, por ende nuk dihet se sa,” – u shpreh një diplomat amerikan.
